PBA- Ba't konti lang ang mga DVD compilation?

Nagtataka ako kung bakit konti lang ang mga DVD compilation ng Philippine Basketball Association at wala tayong makikitang mga video on sale sa mga malls ng mga laro noong 70's at 80's. Di kagaya ng NBA, napakaraming compilation na nagkalat kahit saang video shops. Mayron silang NBA Best Dunks, NBA best plays at kung anu-ano pa. Sa pagkakaalam ko 70's pa ata nagsimula ang PBA, pero bat ganito? Ni laro ni ng basketball icon na si Jaworski ay wala na tayong mapanood on tapes? Ano ba ang ginagawa ng taga PBA at parang wala silang ganang ipunin ang mga footage noong unang panahon para ito ay mai-DVD?

Ang sarap sigurong panoorin kapag may mga DVD ng PBA 70's Best Dunks, PBA Best Plays, PBA Legends at marami pa. Para naman mapanood ng mga kabataan ang mga dating PBA Superstar ng ating bansa dati. Kasi ang nangyayari, kadalasan ka ating mga kabataan ngayon puro mga banyagang players ang iniidolo at kilala, siyempre napapanood nila ito sa mga DVD no, kahit saan mayron silang nakikita kahit sa mga pirated stores.

Alam kong may mga lumang footage ang PBA na nakatambak lamang sa kanilang mga video library, wag sanang hayaang mabulok ng panahon ang mga yan. Sayang kung di maisalin sa VCD or DVD ang mga yan. At tiyak ko maraming matutuwa pati na ang ating mga magulang kapag nakita nila ang mga lumang laro dati sa PBA ng kanilang kabataan.

Roel Cortez, Kilala niyo?

Kilala niyo ba si Roel Cortez? Marahil hindi, o mas kilala niyo siguro ang kanyang mga awitin kagaya ng Napakasakit Kuya Eddie, Sa Mata Makikita, Iniibig Kita o ang walang kamatayang Baleleng, tagalog version ha, sumunod na ata ang visayan version dun.

Siya ay singer at komposer na sumikat noong dekada 80. Ang style ng mga kanta ni Roel ay parang kagaya din ng mga kanta ni Willie Garte, yon bang tipong dalisay na pag-ibig ang dating nga mga kanta, pero ang gusto ko sa mga awitin niya ay may originality, yon bang unang rinig mo palang malalaman mo na ang genre. May sariling dating kumbaga. Di siya tulad ng mga ibang singer diyan na pasunod-sunod sa uso na hindi naman pala bagay.

Maliit pa ata ako ng sumikat ang mga kanta ni Roel Cortez, pero sa unang rinig ko palang, minahal ko agad ang kanyang mga kanta. Ang sarap kasing awitin, at madaling maintindihan ang mga lyrics na parang tumatama sa yong puso. Hehehehe. Subukan nyong pakinggan ang kanyang mga awitin, at may magugustuhan talaga kayo dun no. Di ko alam kung bakit badoy ang tawag ng iba sa kanyang mga awitin, di ba yong ibig sabihin ng baduy yong di bagay? E baduy pala ang mahihilig sa reggae music? Bakit? E wala naman tayo sa Jamaica para mag-reggae sounds kayo dito ano? Ang hirap ng iba sa atin, utak di makapilipino, inuuna pa ang mga banyagang awitin na para bang wala sila sa lupang Pilipinas.

Kahit saan pa ako mapunta, pag tinanong ako sino paborito kung singer... kasali talaga palagi si Roel Cortez. Parang nasa ulap ako pag naririnig ko ang kanyang mga awiting tagos sa puso.

Ang Hirap Maghanap ng mga Lumang Larawan ng mga Lugar sa Pilipinas

Hindi ko alam kung bakit, pero napakahirap maghanap ng mga lumang larawan ng ating mga kalye, lugar o mga gusali dito sa Pilipinas. Hindi madaling magsaliksik kung ang pakay mo ay hanapin kung ano ang hitsura ng isang kalye halimbawa sa taong 1970's. Mayroong iilan-ilan, pero kadalasan ang hinahanap mo ay di mo talaga makikita. Halimbawa gusto mong hanapin ang lumang larawan ng kalye na malapit sa bahay mo. Saan ka pupunta sa library? sa mga bookstore? Kung may makikita ka man dudugo muna ang ilong mo sa kakatanong at kakahanap. Di ba tulad sa ibang bansa, napakarami nilang mga larawan ng kanilang kasaysayan. May nabasa pa ako dati na libro na ang lumang larawan ng isang kalye pinagtabi ang larawan ng kalye na yon kung ano na ang hitsura sa ngayong panahon. Parang THEN and NOW ang drama. Whewww.. ba't wala tayong ganyang mga aklat dito?

Di bat napakasarap tingnan kung ano ang hitsura ng ating mga lugar noong unang panahon? Pagnanonood nga ako ng National Geographic o di kaya Discovery Channel, kumpleto talaga sila sa mga larawan kung ang topic nila nangyari noong matagal ng panahon. Minsan may video pa sila na grabe na kaluma parang 1940's ang dating. E dito sa tin kahit siguro 1950's ang tema ng documentary mahihirapan na tayo maghanap kung ano ang hitsura ng Davao dati, mayron siguro mga larawan lang na iilan. Pero hindi talaga ganun kadami. Ang nasa taas na larawan ay isang Simbahan na nasa Cebu. Hanggang ngayon nakatayo parin ang simbahan na yan.

Ano kaya kung magpacontest na lang sino yong may mga lumang larawan at video ng ating mga gusali at kalye at may gantimpala? Para naman maipreserve natin ang mga to at hindi na masayang lang ang mga mahalagang bagay ng ating mga kasaysayan sa kamay ng iilan. Tiyak ko madaming nakatago sa mga lumang baul ng ating mga ninuno... na dapat makita naman ng ating bagong henerasyon.